بنات الريح

06-01-2010, 07:19 PM

بسم الله الرحمن الرحيم

أعضاء وزوار منتديات ابن الذويبي

السلام عليكم ورحمة الله وبركاته

أقدم لكم اليوم هذه القصيدة بعنوان

بنات الريح

مع حبي وتقديري للجميع

يالله يامجري الرياح المراويح=ياباسط القمراء على ضلمة الليل
في حين زينة السماء بالمصابيح=عبرالسمأ اللي ضلل الأرض تضليل
وقفلت الأسرار وبيدك المفاتيح=ياعالم التورات وأحكام الإنجيل
يامنزل القران هديآ وتسبيح=إن رتله في كل الأوقات ترتيل
طالبك ياشافي قلوب المجاريح = أتعين من ما فيه قوة ولأحيل
إلا بفضلك ياجزيل التساميح=من غير عونك يعجز الحط والشيل
يامن نسبح لك بلاسحار تسبيح=وفق لمن يصفي له الوقت وأيميل
قالوا دليل العقل إشارة وتلميح=قلت الثفاقة ولذكا والتساهيل
قالوا سلاح المعرفة خير تسليح=قلت أمن العقال وخشئ الجهاهيل
قالوا لى أحذر من دموع التماسيح=قلت أول الإخبار موجز وتفصيل
إنا اعشق النعناع والورد والشيح=واعشق سوالف شاربين الفناجيل
واعشق بنات الريح معنى وتصريح=عشق المعارك لاندفاع الأساطيل
لولا بنات الريح من يعرف الريح=ريح الهوى والا رياح التعاليل
هل تعرفون السابقات المشاويح=اللى عشقناها مقافي مقابيل
نجل العيون أمجدلات المطاويح=اليا قبلت تسمع رنين الخلاخيل
ياعاشقين الخيل عشق المفاليح=الخيل ياللي ما عرفتوا هوى الخيل
امحجلات أيدين غرآ مصابيح=طاعت لسيدنا نبينا إسماعيل
ومن وقتها وهيه تهز المراجيح=وصارت هوى الإبطال جيلآ بعد جيل
تطوي بها الفرسان جرد الصحاصيح=وتعلوا نواصيها السيوف المصاقيل
هذى بنات الريح يا جاهل الريح=شوق النشاما شاربين الفناجيل

وسلامتكم

شاعر الهيلا وشاعر المصيف الأول الشاعر/محمد سعيد الذويبي العتيبي
الثلاثاء 18/06/1431 هـ 01 يونيو 2010 م